vaxtlı-vaxtında oxuyun! Cümə, 16 noyabr 2018
1 ABŞ dolları 1 USD = 1.7000 AZN
1 Avro 1 EUR = 1.9190 AZN
1 Rusiya rublu 1 RUB = 0.0250 AZN
1 İngiltərə funt sterlinqi 1 GBP = 2.2078 AZN
1 Türkiyə lirəsi 1 TRY = 0.3101 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
KARYERA  
10:24 | 24 noyabr 2017 | Cümə Məqaləyə 1050 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Xanımlar iş həyatında daha güclüdür?

Real nəticələr, effektivlik, iradə gücü, disiplin, əzmkarlıq – hər şeyi həll edən amillər

Fəxri AĞAYEV

MÖVZU İLƏ ƏLAQƏLİ

«Təcrübəm göstərir ki, gənc xanımlar iş həyatında oğlanlardan daha əzmkar, idarəli, disiplinlidirlər», statusum çox sayda kommentlərə səbəb oldu.

Bu mövzuda fikirlərimi belə əsaslandırım:

 

– İş həyatında «kafadan», yəni ilk başdan xanımlar artıq zəif, lider və idarəçi olmayan və ola bilməyən kimi davranış görürlər. Və özlərini sübut etməlidirlər. Necə? Çox sadə – real nəticələr, effektivlik, iradə gücü, disiplin, əzmkarlıq;

 

– Oğlan övladına ailələrimizdə böyük rəğbət var. Nəticədə oğlanı olan ailə ömrü boyunca oğlanı qoruyur. Problemlərə daha az üzləşərək böyüyən, sırf oğlan olduğuna görə qeyri-adiliyinə inandırılan oğlanlar, real həyatla qarşılaşanda bir çox şeyin fərqli olduğunu görürlər. Qızlarımın oxuduğu məktəbində görürəm  – qızlar adətən tək gəlirlər, oğlanı az qala məktəbə nəsillikcə gətirsinlər;

 

– Oğlanlar adətən bir uğurdan sonra sanki sakitləşirlər – baxın, mən qəhrəmanam, görün nə etdim. Oğlanlar kiçik yaşlarından uğurlu və güclü olduqlarına inanırlar və bir nailiyyət onlar üçün sadəcə əlavə sübutdur. Xanımlar isə bir uğurla yetinmirlər, çünki bir «nailiyyət=təsadüf, şans, bəxt» deyilə bilər;

 

– «Mən də güclüyəm, mənə də diqqət yetirmək lazımdır, mən də rəhbər ola bilərəm» iddiası ilə yola çıxan xanımlar işə səhər tezdən gəlir, daha gec gedə bilirlər. «By default» güclü olduğunu düşünən oğlanlar bu mövzuda rahatdırlar – onlar «zatən» lider və rəhbər kimi doğulublar. Kreslo onlarındır. Komfort zonasında və rahatlıqda oturan və güclü olduğunu zənn edən oğlanın yanında isə hər gün kiçik addımlarla inkişaf edən xanımlar keçir. 3 il sonra isə arada böyük fərq görülür;

 

– Ağlaya bildiklərinə, göz yaşlarını göstərdiklərinə görə daha zəif kimi görünən xanımlar əslində psixoloji olaraq iş həyatında daha da güclüdürlər. Təzyiq qarşısında  eqo və qüruruna bürünən oğlan işdən çıxdığı halda, xanım ağlayacaq, nəticə çıxaracaq və işi daha da yaxşı edəcək;

 

– Dəfələrlə şahidi olmuşam – xanım Zığdan şəhərə işə gecikmədən gəlir, oğlan Nərimanovdan Gəncliyə gələndə gecikir;

 

– Peşəkar məsləhətlər və inkişaf mövzularına xanımlar daha açıqdırlar. «Mən onsuzda liderəm» deyə düşünən oğlanın beyni və şüuru inkişafa bağlı olduğu halda, yanında oturan və özünü zəif bilən xanım eyni anda liderlik və rəhbərlik mövzusunda texnika və alətləri öyrənəcək və 2 il sonra bunları tətbiq edəcək;

 

Təbii ki, yazdıqlarım şəxsən heç kimə aid deyil.  Buna görə məni qınayan və belə olmadığını deyən oğlanlar – əgər belə deyilsinizsə, demək ki, bunlar sizə aid deyil. Əgər beləsinizsə – o zaman dəyişmə zamanı gəldi.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *