Əsgər Fərəci Evin həbsxanasına köçürülüb
Türkcəni latınca yazmağı cinayət kimi göstərmək 40 milyon türkə nifrətin nümunəsidir
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
Azərbaycanlı milli fəal Əsgər Fərəci 5 il həbs cəzası çəkmək üçün Tehranın Evin həbsxanasına köçürülüb. İnsan haqları üzrə fəaliyyət göstərən Ərk cəmiyyətinin yaydığı xəbərə görə, Fərəci iyunun 20-də Evin Məhkəməsinin Hökm İcra Şöbəsinə müraciət etdiyi zaman həbs edilib və beş illik həbs cəzasını çəkmək üçün Evin Həbsxanasının karantin palatasına köçürülüb.
Tehran İnqilab Məhkəməsinin 26 saylı şöbəsi Əsgər Fərəcini “ölkənin təhlükəsizliyinə qarşı birləşmə və sözləşmə”, “qanunsuz qruplaşmaya üzv olmaq”, “İran İslam Respublikası əleyhinə təbliğat aparmaq” və “ictimai rəyi çaşdırmaq məqsədilə sosial mediada yalan məlumat paylaşmaq” kimi ittihamlarla suçlanıb. Məhkəmə milli fəalı cəmi 17 il 4 ay həbsə və 2 il sürgünə məhkum etmişdi.
Sina Yusifi adlı vəkil daha əvvəl öz “Twitter” hesabında müvəkkilinin 17 il müddətinə azadlıqdan məhrum edildiyini açıqlamışdı. O, bu işlə bağlı tvitlərində müvəkkilinin adını qeyd etməmişdi. Yusifi müvəkkilinin dosyesində irəli sürülən ittihamların əsassız olduğunu bildirmişdi. Yusifi müvəkkilinin dosyesində hökmün yeganə istinad etdiyi, müttəhimin gündəliyində latın qrafikası ilə türkcə yazdığı olduğu, bunun isə ölkənin rəsmi dilinə qarşı üsyanı göstərdiyinin qeyd olunduğunu bildirmişdi.
“İranwire” saytında dərc olunan məlumata görə, ilkin məhkəmənin çıxardığı hökm apelyasiya məhkəməsinə verilən şikayətdən sonra 10 ilə endirilib ki, İran İslam Respublikasının cinayət qanunvericiliyinə görə, milli fəal Fərəci 5 il həbs cəzası çəkəcək.
İran Azərbaycanında insan haqları vəziyyəti üzrə fəaliyyət göstərən AHRAZ cəmiyyətinin nümayəndəsi Şahin bəy Xiyavlı Amerikanın Səsinə bu barədə deyib ki, “mənə görə bir türk fəalına sırf Türkcəni latınca yazdığı üçün onun dosyesində suç kimi göstərilməsi, əslində İran hökumətinin ölkədə yaşayan 40 milyon türkə olan kin və nifrətinin göstərgəsidir”.
Cənab Fərəcinin vəkili 17 illik həbs hökmü ilə əlaqədar “Twitter”də açıqlamasından sonra AHRAZ cəmiyyəti bu haqda kampaniya başladaraq sosial media üzərindən milli fəalların bu hökmə qarşı təpkilərini və fikirlərini əks etdirib.
“İran hakimiyyəti türkcəni latınca qrafikası ilə yazılmasına qarşı çıxması əslində İranda yaşayan türklərin Azərbaycan və Türkiyə ilə bağlarını qoparmaq və orada yazılan qaynaqlardan bizləri məhrum buraxmaq istəyir. Beləliklə hökumət, İranda yaşayan türkləri qonşu türk dilli ölkələrindən təcrid etmək peşindədir”, – deyə Xiyavlı əlavə edib.