vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
GÜNEY  
13:42 | 29 iyun 2022 | Çərşənbə Məqaləyə 454 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Etirazçılar Təbriz-Tehran yolunu bağlayıb

Şəhərin çıxışında uzun avtomobil tıxacı yaranıb

CAVİDAN

MÖVZU İLƏ ƏLAQƏLİ

Təbrizin çıxışında yerləşən Kərgə bölgəsinin əhalisi etiraz aksiyası keçirərək Təbriz-Tehran yolunu bağlayıb və nəticədə şəhərin çıxışında uzun avtomobil tıxacının yarandığı bildirilir.

Etiraz aksiyası Təbrizin Kərgə bölgəsində yerüstü dairəvi körpünün tikilməməsi ilə bağlı bir neçə il bundan öncədən verilən vədlərin yerinə yetirilməməsi ilə bağlıdır.

Ötən ilin noyabr ayının 9-da kərgəlilər geniş etiraz aksiyası keçirərək Təbriz-Tehran yolunu bağlayıb və bir neçə kilometrlik avtomobil tıxacının yaranmasına səbəb olmuşdular.

Etirazçıların dağıdılması üçün bölgəyə xüsusi təyinatlı qüvvələr yeridilmiş və gərgəlilərlə onlar arasında şiddətli qarşıdurma nəticəsində bir neçə nəfər yaralanmışdı.

Gərginliyin artmasından qorxan yerli məsullar Gərgəyə gəlib və əhali ilə görüşərək qısa müddətdə yarımçıq qalan yerüstü dairəvi körpünün tikintisinin yenidən başlanacağını bildirmişdilər.

Məsələnin üstündən uzun müddət keçməsinə baxmayaraq valilik və fərmandarlığın verdiyi vədlərin heç birinin yerinə yetirilməməsi gərgəlilərin hiddətlənməsinə səbəb olub.

Xatırladaq ki, bundan bir neçə il öncə heç bir dəqiq layihə və büdcə olmadan seçkiqabağı təbliğat və təşviqat kampaniyası çərçivəsində Kərgə bölgəsində dairəvi yerüstü körpünün tikintisi ilə bağlı təməlatma mərasimi həyata keçirilib.

Mərasimin üstündən illər keçməsinə baxmayaraq, vacib layihənin başlanmaması, bölgədə tixacların, yol qəzalarının və insan ölümlərinin sayının çoxalmasından hiddətlənən əhali müraciətlərinin cavabsız qaldığına görə etiraz aksiyasına əl atmağa məcbur olublar.