vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
GÜNEY  
14:47 | 29 iyun 2022 | Çərşənbə Məqaləyə 679 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Qonşular biziən dostluq mövqeyi hiss etmirlər”

Təbrizli deputatdan Xameneyinin müşavirinə cavab verdi

CAVİDAN

MÖVZU İLƏ ƏLAQƏLİ

Təbrizin İran parlamentindəki nümayəndəsi Məsud Pezeşkiyan ölkənin ali rəhbəri Əli Xameneyinin ali müşaviri Əliəkbər Vilayətinin Azərbaycan Respublikası ilə bağlı səsləndirdiyi son fikirlərə cavab verib.

“Heç bir ölkənin daxili işlərinə qarışmamalıyıq. Ancaq istər-istəməz elə hadisələr baş verir ki, ölkələr bizim onların işlərinə müdaxilə etdiyimizi hiss edirlər.

Bizim xarici siyasətdə üslubumuz diplomatik qaydalara uyğun deyil”-deyə, təbrizli nümayəndə bildirib.

O, xüsusilə qonşu ölkələrin İranın onların daxili işlərinə qarışdığı ilə bağlı zehniyyətlərinin olduğunu söyləyib.

“Bəzən mübahisələrdə bizlərə Amerika və Avropa ilə eyni mövqedə olmağı irad tuturlar. Deyirəm ki, hələlik bu sözləri buraxın və qonşularımızla dost və yaxud düşmən olduğunuzu bəlli edin.

Qonşu ölkələr bizim tərəfimizdən dostluq mövqeyi hiss etmirlər”, – deyə Məsud Pezeşkiyan rəsmi Tehranı bölgə ölkələri ilə normal münasibət qura bilməməkdə qınayıb.

Pezeşkiyanın fikrincə, ölkədə problemlər vaxtında həll edilmədiyi üçün üst-üstə yığılır və daha sonra onları çözmək daha da çətinləşir, buna görə də ölkə həm daxildə və həm də xaricdə müxtəlif problemlərlə üzləşir.

Qeyd edək ki, iki gün öncə Əli Xameneyinin ali müşaviri Əliəkbər Vilayəti bir daha Azərbaycan Respublikasının iç işlərinə qarışaraq Azərbaycan-İsrail əlaqələrini tənqid edib.

“Bizim onlarla yolumuzun ayrılmasının səbəbi Azərbaycanın İsraillə olan əlaqələridir”-deyə, Vilayəti “Təsnim” xəbər agentliyinə müsahibəsində  bildirib.

Sosial media istifadəçiləri Pezeşkiyanın fikirlərini paylaşıb,  Təbrizin millət vəkilinin çıxışını Əliəkbər Vilayətinin Azərbaycan Respublikasına qarşı səsləndirdiyi ittihamlara cavab kimi dəyərləndiriblər.