vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
GÜNEY  
00:58 | 17 iyul 2022 | Bazar Məqaləyə 904 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Etirazlar səngimir

Sakinlər Urmiya gölündə ekoloji durumla bağlı aksiya keçirib

MÖVZU İLƏ ƏLAQƏLİ

Ətraf mühit fəalları və mütəxəssislərin sentyabrın sonuna kimi gölün cənub hissəsinin tamamilə quruyacağı və gölün kritik vəziyyəti ilə bağlı xəbərdarlığından sonra Urmiya əhalisi hökumətin Urmiya gölünün canlandırması ilə bağlı tədbirsizliyinə qarşı etiraz mitinqi keçirib.

Sosial şəbəkələrdə yayımlanan videolara əsasən, iyulun 16-da gölün kritik vəziyyəti və hökumətin bu ekoloji fəlakətin qarşısının alınmasına lazımi diqqət yetirməməsi nəticəsində Urmiya sakinlərinin dinc etiraz mitinqi baş tutub. Təbriz, Ərdəbil və Tehran şəhərlərində şəhər mərkəzlərində həddindən artıq təhlükəsizlik qüvvələrinin yerləşdiyi və insanlara müdaxilə edərək toplaşmasına imkan verilmədiyi bildirilir.

Etiraz aksiyasında iştirak edənlər “Urmu gölü can verir, məclis onu qətlinə fərman verir”, “Urmu gölü susuzdur, Azərbaycan oyanmasa uduzdu” kimi şüarlar səsləndirib.

Bundan əvvəl milli fəallar “Twitter” sosial şəbəkəsində Urmiya gölünün xilas edilməsinin vacibliyini gündəmə gətirmək, həmçinin ictimai rəyi və hakimiyyət başçılarının diqqətini bu mövzuya cəlb etmək üçün kampaniya başlatmışdı.

Urmiyada etiraz aksiyası keçirilməzdən bir neçə gün əvvəl İran hökumətinin təhlükəsizlik qüvvələri azərbaycanlı milli fəallarla əlaqə saxlayıb və onları hədələyib və hər hansı etiraz aksiyasında iştirak etməmələrini istəyib.