vaxtlı-vaxtında oxuyun! Bazar ertəsi, 22 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
GÜNDƏM  
13:50 | 10 noyabr 2022 | Cümə axşamı Məqaləyə 548 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Çapaladıqca batır

“SSRİ”ni bərpa edəcəkdi MDB-ni də itirir

Natiq CƏFƏRLİ

MÖVZU İLƏ ƏLAQƏLİ

Rusiyanın Ukraynada bataqlığa düşməsi aydın görünür, əgər ağılları çatıb onları bu bataqlığa itəliyənləri görmədilərsə, öz günahlarıdır, indi də çapaladıqca daha dərinə batırlar – Ukraynaya “SSRİ”ni bərpa edəcəyi xülyası ilə girən Rusiya artıq MDB-nin, KTMT-nin dağılmasının da əsasını qoydu.

KTMT-nin oyuncaq, mənasız qurum olduğu, de-facto işlək institut olmadığı ilk Ermənistanın həyasızlığından sonra üzə çıxdı, indi isə Rusiyanın özü tərəfindən bilmədən də olsa “qətl” edilir – KTMT-nin nizamnaməsinə görə təşkilata üzv dövlətlərin ərazi bütövlüyünə təhdid yaranarsa, ərazi bütövlüyü pozularsa, ərazisinə hücum olarsa bütün ölkələr təcavüzə uğrayan ölkəyə yardım etməli, həmin üzv ölkə tərəfindən savaşa daxil olmalıdırlar. 40 gün öncə Rusiya müstəsna həyasızlıqla Xerson, Zaparojye, Donbas bölgəsini öz ərazisi elan etdi, Rusiyanın indiki Konstitusiyasına görə həmin bölgələr Rusiya Federasiyası ərazisidir. Öz qanunlarına və KTMT-nin qaydalarına görə indi Rusiya “təcavüzə” uğrayıb, “işğala” məruz qalır, “əraziləri” atəşə tutulur, torpaq itkisi ilə üzləşir – amma görünən odur ki, Rusiya öz müttəfiqləri olan KTMT bir qırağa, heç öz əhalisinə belə, məsələn,  Xersonun Rusiya torpağı olduğuna inandıra bilməyib, Kremlin əsl məğlubiyyəti məhz budur.

Moskvanın Ukraynanı işğal etməklə “SSRİ-2” yaratmaq xəyalı MDB-nin də dağılması ilə yekunlaşacaq, MDB-nin dağılması ilə post-sovet məkanında yeni ittifaqlar qurulacaq, bu coğrafiyada ən işlək və dayanıqlı ittifaq modellərindən biri məhz Türk Dövlətləri Təşkilatı ola bilər – sabah Səmərqənddə TDT rəhbərlərinin toplantısı bu yolda atılacaq növbəti addım kimi dəyərləndirilməlidir...