Sosial şəbəkələrin kütləvi psixoz yaratması barədə deyilənlərin əsası var deyəsən. “Twitter”də “Qonçarov.1973” adlı filmin qızğın müzakirəsi gedir. Yüz minlərlə adam bu filmi müzakirə edir. Yəqin deyəcəksiniz ki, nə var ki burda?

Məsələ burasındadır ki, belə bir film...yoxdur! 

Bu, zarafatla uydurulmuş bir memdir. Guya 1973-cü ildə Martin Skorseze bu filmi çəkib. Mafiya haqqında olan filmdir. 

SSRİ-dən qaçan Qonçarov Neapolda mafiyaya başlıq edir. Baş rolda da Robert de Niro və Al Paçino çəkilib. İddia olunur ki, dünyanın ən yaxşı klassik mafiya barədə olan bu film unudulub. 

Adamın nitqi tutulur.

Yüz minlərlə adam film barədə yazır, ondan sitatlar gətirir hətta... kadrlar paylaşırlar.

Amma belə film yoxdur. Çəkilməyib!

Amma heç kimi inandırmaq olmur. 

“Qonçarov 1973” filmi qiymətini almamış, unudulmuş bir filmdir. Bu, ola bilsin ki, “Xaç atası” filindən də yaxşıdır”, – deyə “Twitter” istifadəçiləri yazırlar.

Hamı bu filmi axtarır, ən xoş sözləri yazırlar. 

Adi bir zarafat belə bir əcaib hay-küy yaradıb. Minlərlə insan dahi rejissor Martin Skorsezeyə yazır. 

O isə susur!

Nə desin? İnternet sərsəmliyini necə izah etsin?

Hələ ki, “Qonçarov 1973” mifik filmi heyranlıqla müzakirə olunur. Filmin qəhrəmanları, süjet xətti, intriqalar da məlumdur.

Deyəsən bircə qalır Skorsezenin həqiqətən bu filmi çəkməyi!

Virtual dünyadan geri qayıtmaq üçün yolu bilməyənlər bu torun asan qurbanlardır.