Bu gün Fransanın Monako şəhərində Bakı vaxtilə 20:00-da Çempionlar Liqasının qrup mərhələsinin püşkatma mərasimi keçirilib. Əsas raundda iştirak edəcək 32 komanda 8 qrupa bölünüb. İlk dəfə bu mərhələdə Azərbaycan da təmsil olunub. Beşqat ölkə çempionu «Qarabağ» qitənin ən güclü 32 komandası arasında yer alıb. Komandalar reytinqlərinə görə səbətlərə bölünmüşdü və «Qarabağ» da dördüncü səbətdə qərarlaşmışdı.

İlk səbətdə 8 ən reytinqli çempionatın qalibi yer almışdısa, digər 24 klub öz əmsalına görə sıralanmışdı. Qurban Qurbanovun baş məşqçisi olduğu komandamız püşkatmanın nəticəsi olaraq, C qrupunda İngiltərənin «Çelsi», İspaniyanın «Atletiko» (Madrid) və İtaliyanın «Roma» klubu ilə mübarizə aparacaq. «Qarabağ»ın adını səbətdən «Roma»nın əfsanəvi futbolçusu Françesko Totti çıxarıb.

Beləliklə Çempionlar Liqasının qrup mərhələsində mübarizə aparacaq klubların adlarını açıqlayırıq.

A qrupu

«Benfika» (Portuqaliya)

«Mançester Yunayted» (İngiltərə)

«Bazel» (İsveçrə)

MOİK (Rusiya)

B qrupu

«Bavariya» (Almaniya)

PSJ (Fransa)

«Anderlext» (Belçika)

«Seltik» (Şotlandiya)

C qrupu

«Çelsi» (İngiltərə)

«Atletiko» (Madrid, İspaniya)

«Roma» (İtaliya)

«Qarabağ» (Azərbaycan)

D qrupu

«Yuventus» (İtaliya)

«Barselona» (İspaniya)

«Olimpiakos» (Yunanıstan)

«Sportinq» (Portuqaliya)

E qrupu

«Spartak» Moskva

«Sevilya» (İspaniya)

«Liverpul» (İngiltərə)

«Maribor» (Sloveniya)

F qrupu

«Şaxtyor» (Ukrayna)

«Mançester Siti» (İngiltərə)

«Napoli» (İtaliya)

«Feyenord» (Hollandiya)

H qrupu

«Real» (Madrid, İspaniya)

«Borussiya» (Dortmund, Almaniya)

«Tottenhem» (İngiltərə)

APOEL (Kipr)

G qrupu

«Monako» (Fransa)

«Porto» (Portuqaliya)

«Beşiktaş» (Türkiyə)

«Leypsiq» (Almaniya)

Qeyd edək ki, Monakodakı püşkatma həm də Gənclər Liqasına şamil olunub. Belə ki, Rəşad Sadıqovun baş məşqçisi olduğu «Qarabağ»ın U-19 komandası da eyni rəqiblərlə bir qrupda çıxış edəcək.