Bu gün günorta saatlarına Ədalət və İnkişaf Partiyasının (AKP) mərkəzi qərargahı qarşısındakı kəsişmədə ictimai asayişin təmin edilməsinə məsul olan xüsusi əməliyyat polisi intihar edib.

AKP mənbələri hadisənin qərargahın qarşısındakı bağda baş verdiyini təsdiqləyib. Hadisənin saat 15:30 radələrində baş verdiyi və polis əməkdaşının öz silahı ilə həyatına son qoyduğu bildirilir. Partiya mənbələrindən verilən məlumata görə, polis məmurunun 15 gün sonra nişanlanacağı öyrənilib. İntiharın səbəbi hələlik məlum deyil.

Polislər niyə intihar edir?

Yanvarın ilk iki həftəsində türkiyədə 8 polis əməkdaşı intihar edərək dünyasını dəyişib. Polisin Səsi Platformasının təqdim etdiyi rəqəmlərə görə, 2024-cü ildə ümumilikdə ölkədə 70 polis məmuru intihar edib.

Mətbuata danışan Polisin Səsi Platformasının qurucusu, keçmiş təqaüdçü polis Faruk Sezər, “İntiharın son nöqtəsində ailə problemləri, yüksək borclar kimi səbəblər göstərilsə də, intiharların səbəbi son damla deyil, səbr kasasını dolduran peşəkar həyatdır”, – deyib.

13 ildir polis məmurlarının problemlərini izlədiklərini ifadə edən Sezer, “Biz əslində polisdəki problemlərin altında yatan səbəblərin təhdid və mobbing olduğunu və budan qaçarkən başqa problemlərin də meydana gəldiyini iddia edirik”, – deyib.

Faruk Sezer, “Son 15 ildə qəzəb içində öldürdükləri ailə üzvləri ilə birlikdə intihar edən həmkarlarımızın sayı səkkiz yüz nəfərdən çoxdur”, – deyib.

Polisin maaşlarının yüksək olması iddiası ilə bağlı cəmiyyətdə yanlış təsəvvür yarandığını bildirən Sezer, “Polis işçilərinin o yüksək maaşlarını iş saatlarına böləndə heç kim onlara minimum əməkhaqqından az maaş verildiyini görmür”.

O, həmçinin bildirib ki, polis əməkdaşları ikinci işdə işləyə və əlavə gəlir əldə edə bilmirlər.