Kann Film Festivalı zamanı VIP qonaqları qəbul edən bir neçə dənizkənarı hotel acgöz qağayıların qarşısını almaq üçün yırtıcı quşları yararlanmaq qərarına gəlib. 2012-ci ildən bəri Fransız Rivierasındakı Hôtel Martinez məşhurlar arasında xaosa səbəb olan qağayıları qorxutmaq üçün şahinlərdən istifadə edib.

Bu qərar 2011-ci ildə qırmızı xalıdan keçməzdən bir neçə dəqiqə əvvəl fransız aktrisası Sofi Marsonun üzərinə qağayının bir qədəh şərab tökməsindən sonra verilib.

Məşhur Kroizett gəzinti yolunda yerləşən dəbdəbəli “Le Majestic” hotelinin menecerləri bundan əvvəl BFM TV-yə şikayət etmişdilər ki, istirahət edənlər arxa çevirən zaman qağayılar onların səhər yeməyinə hücum edir.

Məşhur festivalın şam yeməyi tədbirləri zamanı qağayıların hücumları gücləndiyi üçün hotellər indi hər may ayında şahin patrullarını gücləndirirlər.

Şahin təlimçisi Kristofer Puzin Kannın baş təlimçisidir. “The Times” qəzetinə danışan Puzin, “Şahinlərin işi xüsusilə hotel bağçasında problem yaradan qağayıları və göyərçinləri qorxutmaqdır. Qağayılar və göyərçinlər zərər görmür”, – deyib.

Puzinin ABŞ-ın cənub-qərbindən olan dörd Harris şahinlərindən həddən artıq güvənən qağayıları hotel qonaqlarından və onların yeməklərindən qorxutmaq üçün istifadə olunur.

Yırtıcı quşlar (“Zelda”, “Links”, “Night” və “Ramucho”) masaların üstündə dövrə vuraraq qağayılara məsafəni saxlamaq üçün xəbərdarlıq edir.

"Onlar şahin kimi təbii yırtıcı görəndə anlayırlar ki, ərazidə düşmənçilik var və bu, onları çəkindirir", - Puzin deyib.

“Majestic”in baş meneceri Çarlz Riçez, “Bu, həqiqətən də xoşagəlməz vəziyyətdir, lakin qağayılar şahinləri görən kimi tələsik geri çəkilirlər”, – nəşrə deyib.

Riçezin sözlərinə görə, şahinlər “ulduzlu cazibədir” və qonaq gələn qonaqlar onlarla selfi çəkmək istəyirlər.