Meksika səlahiyyətliləri, ABŞ-da bir sıra federal ittihamlarla axtarışda olan kartel üzvü Benitesin öldüyünü açıqladı.

Meksika hökuməti başına 1 milyon dollar mükafat qoyan kartel üzvü Jorge Humberto Figueroa Benitesin Sinaloa əyalətində keçirilən əməliyyat zamanı öldürüldüyünü deyib.

“CNN İnternational”ın məlumatına görə, ABŞ Benitesin “Los Chapitos” cinayət təşkilatının aparıcı simalarından biri olduğunu bildirərək onun ələ keçirilməsinə görə 1 milyon dollar mükafat elan edib. Meksikanın Təhlükəsizlik və Vətəndaşların Müdafiəsi naziri Ömər Qarsia Harfuç dünən, kartel üzvü Sinaloa öldüyünü təsdiqləyib.

Yerli medianın məlumatına görə, “El Perris” kimi tanınan Benitesə qarşı əməliyyat ştatın paytaxtı Culiacanadan təxminən 32 kilometr aralıda yerləşən Navolatoda keçirilib.

***

ABŞ Narkotiklərlə Mübarizə İdarəsinin (DEA) 1 milyon dollar mükafat təyin etdiyi Benites ABŞ-da bir sıra federal ittihamlarla, o cümlədən “fentanilin idxalı və daşınması üçün sui-qəsd, pulemyot və dağıdıcı qurğulara sahib olmaq, pulların yuyulması üçün sui-qəsd” kimi cinayətlərdən axtarışda idi.

Culiacan şəhəri 2019-cu ildə "Kuliakanazo" kimi tanınan zorakılıq hadisələrinin şahidi olub. Sonradan Meksika hakimiyyəti tərəfindən "həyatını xilas etmək üçün" azad edilən Xoakin "El Çapo" Quzmanın oğullarından biri Ovidio Quzman Lopezin tutulmasından sonra şəhərdə zorakılıq baş verib.

2023-cü ildə ABŞ-a deportasiya edilən Ovidio Quzman narkotik alveri və çirkli pulların yuyulması ittihamlarını rədd edib. May ayının əvvəlində ABŞ mətbuatında əksini tapan xəbərlərə görə, Quzmanın bu bəyanatı dəyişdirəcəyi gözlənildiyi halda, Quzmanın qohumları ABŞ Ədliyyə Nazirliyi ilə bağlandığı iddia edilən razılaşma çərçivəsində Meksikadan ABŞ-a getmişdilər.