“Paris Saint-Germain” (PSJ) UEFA Çempionlar Liqasının qalibi olmaq üçün “İnter”i beş top fərqi ilə məğlub etdi.

PSJ-nin Çempionlar Liqasındakı qələbəsindən sonra paytaxt Parisdə və bütün Fransada azarkeşlər komandalarının qələbəsini coşqu və atəşfəşanlıqla qeyd etdilər.

Polis azarkeşləri dağıtmaq üçün Paris küçələrində, “Parc des Princes” stadionunun ətrafında və paytaxt ətrafında gözyaşardıcı qaz və dəyənəklərlə müdaxilə edib.

Bəzi qruplar stadionun ətrafında barrikadalar quraraq iki maşını yandırıblar.

“Le Figaro”nun Paris Polis İdarəsinə əsaslanan hesabatına görə, Fransada PSJ-nin çempionluğundan sonra baş verən hadisələrdə 131 nəfər saxlanılıb.

Fransanın BFMTV kanalı Qrenobl şəhərində sürücünün idarəetməni itirərək piyadaların üzərinə sürməsi nəticəsində 3 nəfərin yaralandığını bildirib.

***

Fransa Daxili İşlər naziri Retayo sosial media hesabında PSJ-nin əsl azarkeşlərinin matçı həyəcanla izlədiklərini ifadə edərək, “Eyni zamanda bəzi barbarlar Paris küçələrinə çıxaraq cinayət törədib, təhlükəsizlik qüvvələrini provokasiya ediblər”, – deyib.

Retayo, təhlükəsizlik qüvvələrinə bu hərəkətlərə qəti şəkildə müdaxilə etmələri üçün təlimat verdiyini ifadə edərək, “Heç bir şeyə hörməti olmayan kiçik bir təxribatçı azlığın vəhşiliyindən narahat olmadan şənliklərin keçirilə bilməməsi qəbuledilməzdir”, – deyib.

Retayonun “barbar” açıqlaması müxalifət partiyalarının reaksiyasına səbəb olub.