vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
SAĞLAMLIQ  
21:52 | 28 noyabr 2017 | Çərşənbə axşamı Məqaləyə 2997 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Müxtəlif spirtli içkilərin əhval-ruhiyyəmizə fərqli təsiri

Alimlər hesab edir ki, bərk içkilər aqressiyaya, şərabla pivə isə əsasən rahatlıq və yuxululuğa səbəb olur

MÖVZU İLƏ ƏLAQƏLİ

Alkoqollu içkilərin müxtəlif növləri bizim əhval-ruhiyyəmizə tamamilə fərqli təsir göstərir, alimlər müəyyən edib. Belə ki, sərt içkilər aqressiya, göz yaşları və seksual cəzb hisslərini oyada bilər. Pivə ilə qırmızı şərab isə insanı rahatlaşdırır.

«BMJ Open» elmi dərgisində dərc olunmuş müvafiq araşdırma 18-34 yaşlarında 21 ölkəni təmsil edən 30 min respondentin sorğusuna əsaslanır.

Pivə, şərab və sərt spirtli içki içənlər onların müxtəlif təsirə malik olduğunu etiraf ediblər.

Az həcmdə alkoqol vaxtı xoş keçirməyə kömək edə bilər. Lakin alimlər diqqəti spirtli içkilərə aludəçiliyin təhlükəsinə yönəltmək istəyirlər.

Vaxt keçdikcə içkiyə alışan insanlar onun doğurduğu pozitiv emosiyaları təkrar yaşamaq üçün içkinin həcmlərini tədricən artırmağa meyl göstərə bilər.

Araşdırmanın nəticələrini şərh edən Uels səhiyyə xidmətinin nümayəndəsi hesab edir ki, tədqiqat əhval-ruhiyyənin dəyişməsini qeyd edir.

Mark Bellisin (Marc Bellis) sözlərinə görə, alkoqolun hansı şəraitdə içilməsinin də əhəmiyyəti var.

«Gənc adamlar adətən öz evlərindəki qonaqlıq və ziyafətdə şəraba üstünlük verir, sərt içkilər isə evdən kənarda içilir».

Səhiyyə rəsmisinin sözlərinə görə, alkoqollu içkilərin müxtəlif növləri fərqli şəkildə reklam olunur və insanların seçimi də buna əsaslanır. Hərçənd ki, insanlar gözlədiyi təsirdən fərqlənən nəticə ala bilər.

«İnsanlar bəzən içkini özünə əminliyi artırmaq və daha rahat hiss etmək üçün içir. Amma içki onların gözlədiyindən fərqli təsir də verə bilər».

Tədqiqat insanların müəyyən spirtli içkiyə niyə üstünlük verdiyini və həmin içkidən hansı təsirin gözlənildiyini izah edir, «Drinkaware» təşkilatından Con Larsen (John Larsen) bildirir.

Londondakı «King's College» Universitetinin alimlərinə əsasən alkoqola aludə olanlar arasında içkinin müsbət emosional təsiri ilə bağlı gözləntilər daha çox yayılıb.