vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
GÜNEY  
17:07 | 28 iyun 2022 | Çərşənbə axşamı Məqaləyə 391 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Məni öldürmək istəyirlər”

Fars-molla rejimi həbsdə olan zəncanlı jurnalistin dərmanlarını müsadirə edib

CAVİDAN

MÖVZU İLƏ ƏLAQƏLİ

Qərçək zindanında saxlanılan əslən Zəncan şəhərindən olan tanınmış hüquq müdafiəçisi, İran İnsan Haqları Birliyinin sədr müavini, siyasi məhbus Nərgiz Məhəmmədi zindanın təhlükəsizlik və mühafizə xidmətinin ona məxsus dərmanları müsadirə etdiyini deyib.

O, vacib olan ürək və ağciyər dərmanlarının müsadirə edilməsini hökumətin ona qarşı sui-qəsdi kimi qiymətləndirib.

“Ürək döyüntüləri və tənəffüs problemlərinə görə müayinə olunduqdan sonra həkim ürək və ağciyər üçün vacib dərmanlar yazıb və vaxtında istifadəsini tapşırmasına baxmayaraq, zindanın təhlükəsizlik və mühafizə xidməti onları mənə verməkdən imtina edir”, – deyə N.Məhəmmədi bildirib.

Güneyli hüquq müdafiəçisi, İran hökumətinin onu da Hoda Sabir və Abtin Bəktaş kimi aradan götürməyə çalışdığı barədə xəbərdarlıq edib.

Qeyd edək ki, zəncanlı jurnalist və hüquq müdafiəçisi Nərgiz Məhəmmədi yanvarın 15-də Tehranın İnqilab Məhkəməsinin 26-cı bölməsinin çıxardığı qərara görə 8 il həbs cəzası və 70 şallaq zərbəsinə məhkum edilib.

Əslən Güney Azərbaycanın Zəncan şəhərindən olan və iki uşaq anası olan Nərgiz Məhəmmədi bundan əvvəl insan hüquqlarının müdafiəsi ilə bağlı apardığı dinc fəaliyyətinə görə dəfələrlə həbsə salınıb.

Rejim məmurları tərəfindən mütəmadi olaraq, təhdid edilib, təzyiqlərə məruz qalıb.