vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
SAĞLAMLIQ  
12:18 | 12 iyul 2022 | Çərşənbə axşamı Məqaləyə 891 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiyada meymunçiçəyinə ilk yoluxma

İndiyədək xəstəliyin endemik olmadığı ölkələrdə ondan ölüm halı qeydə alınmayıb

MÖVZU İLƏ ƏLAQƏLİ

Rusiyanın səhiyyə rəsmiləri ölkədə meymunçiçəyinə ilk yoluxmanın aşkarlandığını bildirir. Həmin şəxsin xəstəliyi yüngül keçirdiyi qeyd olunur.

“Rospotrebnadzor” iyulun 12-də bildirib ki, xəstəlik Avropa ölkələrinə səyahətdən qayıdan bir gəncdə aşkarlanıb, o, xarakterik səpkilərlə tibb ocağına müraciət edib.

“Xəstənin kontaktda olduğu şəxslər müəyyənləşdirilib, hazırda həkimlərin nəzarətindədirlər”, – bəyanatda deyilir.

Xəstəxanaya yerləşdirilmiş şəxsdə xəstəliyin tez aşkarlandığı, bununla da “yoluxmanın yayılmasının önləndiyi” deyilir.

Meymunçiçəyi qızdırma, başağrısı, əzələ ağrısı, titrəmə, yorğunluq və səpkilərə səbəb olur.

Ümumilikdə 50-dən çox ölkədə meyminçiçəyinə yoluxmalar aşkarlanıb, ümumi təsdiqlənmiş hallar 7 min 600-dən çoxdur. Bu xəstəlik Qərbdə və Mərkəzi Afrikada endemik formada mövcuddur.

Dünya Səhiyyə Təşkilatı xəstəliyin ictimai səhiyyəyə yaratdığı riskin hazırda böyük olmadığını desə də, virusun qeyri-endemik ölkələrdə yayılacağı halda riskin artacağıyla bağlı xəbərdarlıq edib.

İndiyədək xəstəliyin endemik olmadığı ölkələrdə ondan ölüm halı qeydə alınmayıb.