Vətəni Aralıq dənizi bölgəsində olan “Tapinoma magnum” adlı qarışqa növü sürətlə Avropaya yayılır. Aralıq dənizi bölgəsində yaşayan bir qarışqa növü Fransa, Almaniya, Belçika, Hollandiya və İsveçrəni koloniya etmək qərarına gəlib.

“Tapinoma magnum” adlı növ Aralıq dənizinin müxtəlif yerlərində, o cümlədən Əlcəzair, Mərakeş, Tunis, İspaniya və İtaliyada yaşayır. Mərkəzi və şimal Avropanın bir çox ölkəsini sürətlə işğal edən qarıqaların bir müddət sonra La-Manş boğazını keçərək İngiltərəyə çatacağı düşünülür.

Bu qarışqalar infrastruktura böyük ziyan vurur – yolların altında tunellər qazaraq elektrik kabellərini dişləyərək elektrik enerjisinin və internetin kəsilməsinə səbəb olur.

Britaniya Zərərvericilərlə Mübarizə Assosiasiyasının (BPCA) texniki direktoru Niall Qallajer, "Bu növlər üçün hər zaman təhlükə var. Hər hansı bir işğalçı növ kimi, “tapinoma magnum” qarışqaları burada yerləşərsə, narahatlığa səbəb ola bilər. Onlar böyük superkoloniyalar əmələ gətirir, yerli növləri yerindən qovur və hətta səki plitələrinin altına girərək struktur problemlərinə səbəb olur”, – deyib.

***

Tapinoma magnum 60 hektar ərazini əhatə edə bilən 20 milyon qarışqadan ibarət superkoloniyalar əmələ gətirir.

Əsasən gətirilən bitkilər vasitəsilə yayılsa da, iqlim dəyişikliyi də bu qarışqaların əvvəllər mümkün olduğundan daha soyuq ərazilərdə sağ qalmasına kömək edə bilər.

Son illərdə İngiltərə kimi Şimali Avropanın bəzi hissələrində daha isti qışlar və daha uzun yaylar, bir çox digər istila edən bir çox növlərdə olduğu kimi, qarışqa koloniyalarının çoxalması ehtimalını artıra bilər.