İspaniyanın Palma de Malyorka hava limanında İngiltərənin Mançesterə uçmağa hazırlaşan “Ryanair” təyyarəsi yanğın siqnalı səbəbindən təcili təxliyə edilib. Bəzi sərnişinlər təlaşa düşüb və yanğın siqnalı səbəbindən təyyarənin qanadından atılıblar.

“RK3446” uçuş nömrəli “Boeing 737-800” tipli təyyarə zamanı yanğın xəbərdarlığı sistemi işə salındığından uçuşunu dayandırmalı olub. Sərnişinlər və ekipaj yanğın siqnalı ilə hava sürüşmələri vasitəsilə təyyarədən təxliyə edilib. Səlahiyyətlilər təxliyə zamanı 18 nəfərin yüngül xəsarət aldığını bildirib. Xəsarət alan 6 nəfərin xəstəxanaya çatdırıldığı bildirilib.

Təxliyə zamanı bəzi sərnişinlərin panikaya düşdüyü və təyyarənin qanadından tullandığı görülüb. “Ryanair” təyyarədən tullanan sərnişinlərin xəsarət aldığını, lakin vəziyyətlərinin ciddi olmadığını bildirib.

“Ryanair”dən verilən açıqlamada sərnişinləri rahatlaşdırmaq üçün əvəzedici təyyarənin göndərildiyi və uçuşun yenidən başladığı qeyd edilib. “Ryanair” insidentə görə sərnişinlərdən üzr istəyib.