vaxtlı-vaxtında oxuyun! Cümə, 23 fevral 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
TÜRK DÜNYASI  
21:50 | 21 oktyabr 2022 | Cümə Məqaləyə 1735 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ortaq əlifba

100 ildir gözlədiyimiz arzu

İbrahim NƏBİOĞLU

MÖVZU İLƏ ƏLAQƏLİ

Türk Dövlətləri dildə birlik üçün “Ortaq Əlifba komissiyası” qurdular. Desəm ki, bu xəbəri 100 ildir gözləyirəm, yalan söyləmiş olmaram. O qədər yaşlanmamışam, amma “100 ildir gözləyirəm” yazarkən arzumun, xəyalımın nə qədər istəkli, nə qədər dərin olduğunu ifadə etməyə çalışdım…

Türk Dünyasının böyük düşüncə adamı İsmayıl bəy Qaspıralının (1851-1914) həyatının anlamına çevirdiyi “Dildə, işdə, fikirdə birlik” fəlsəfəsi bütün əngəl və tabulara rəğmən gerçək olma  yolunda ilk addım atıldı.

***

Bir ay əvvəl Bursada keçirilən “Türk Dünyası Ortaq Əlifba Çalıştayı”nda Türk Dövlətləri Təşkilatına (TDT) təqdim olunacaq tarixi qərar qəbul edilib.

Türk Dil Qurumu və TDT ilə əməkdaşlıq çərçivəsində keçirilən və Türk dövlətlərindən olan alimlərin öz ölkələrində istifadə olunan əlifba və tarixi proseslər haqqında məlumat verdikləri seminarda ortaq əlifbaya keçidin sürətləndirilməsi və tətbiqinin genişləndirilməsinin vacibliyi vurğulanıb.

Seminarda Türk dünyası Ortaq Əlifbası üçün TDT nəzdində “Ortaq Əlifba Komissiyası”nın yaradılması qərara alınıb.

Türk Dövlətlərinin rəsmi qurumları tərəfindən təklif olunacaq 2 nəfərdən ibarət komissiya ortaq əlifba və hazırlanacaq milli əlifbalarla bağlı TDT Ağsaqqallar Şurasına hesabat hazırlayacaq.

Komissiyanın ilk iclası Qırğızıstanda keçirəcək. Komissiya birgə əlifba araşdırmalarını incələyərək Ağsaqqallar Şurasına hesabat verəcək.

Anadolu Agentliyinə görə seminarda Atatürk Ali Mədəniyyət, Dil və Tarix Şurasının sədri Məhəmməd Həkimoğlu və Türk Dövlətləri Təşkilatının Azərbaycan Ağsaqqalı Həsən Həsənov da iştirak ediblər.

Həsən Həsənov görkəmli dövlət və siyasət xadimi, təcrübəli diplomat olmaqla bərabər həm də tanınmış tarixçi alim və araşdırmaçıdır. Bu baxımdan Həsən müəllimin bu tarixi addımların atılmasında çox faydalı işlər görəcəyinə inanmımız tamdır…

Bu sətirləri yazarkən bir türk dostum zəng vurdu.

Ona Ortaq Əlifba haqda danışdım. “Məqalə yazsan adını nə qoyardın?”, –sordu.

Mən də “Turanın ayaq səsləri” deyəcəkdim.

Amma demədim.

Göz dəyməsin deyə…


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)