vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
TÜRK DÜNYASI  
22:09 | 6 noyabr 2022 | Bazar Məqaləyə 648 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tərəfimiz bəllidir ...

... Yaxud balans getdi, Türkiyə gəldi

Rusif MƏMMƏDSOY

MÖVZU İLƏ ƏLAQƏLİ

Qarabağ savaşından sonra bölgəyə soxulan rus hərbi kontingentinin nələr etdiklərini bilirik və suallarımızın sayı həddindən artıq çoxdur. Lakin, bunu dilə gətirmək gərəyi hiss etmirdik. Lakin, hazırda vəziyyət bir qədər fərqlidir. Çünki, zaman bizim əleyhimizə işləyir. Laçın dəhlizindəki özbaşınalıqlar, Ruben Vardanyan projesi, Xankəndidəki mitinq və s.

Artıq sualları bir-bir ünvanlamağın zamanıdır. Hətta iddialara görə Soçidə Əliyev Putinə Vardanyanla bağlı ciddi narahatlığını Putinin diqqətinə çatdırıb. Putin isə deyib ki, “xəbərim yoxdur”. Təsəvvür edə bilirsiniz? Bu qədər riyakardırlar. Artıq sıra hərbi gücdür. Çünki, zaman keçdikcə ruslar dozanı daha da artıracaqlar. Mövcud vəziyyət ilə ermənilər barışıb, Rusiya isə yox. Bir şeyi də özlüyümüzdə dəqiqləşdirməliyik ki, bizim hazırda tərəf müqabilimiz Ermənistan deyil, məhz Rusiyadır. Azərbaycan televiziyasında Rusiya əleyhinə verilən açıqlamalar təqdir olunmalıdır. Bu ritorikanı davam etdirmək lazımdır. O zamana qədər ki, biz Qarabağda tam yurisdiksiyamızı bərpa edək. Belə olmayacağı təqdirdə Rusiya ilə hansı normal münasibətdən söhbət gedə bilər ki? 

Daha bir vacib məsələ isə rus dilli məktəblərlə bağlıdır. Rusiyaya sadəcə sözdə deyil, əməldə də təpki verməliyik. Xüsusilə də dövlət tərəfindən maliyyələşdirilən rus məktəblərinin ləğvindən başlamaq lazımdır. Dövlət qurumlarında rus dilində danışan şəxslərə qarşı ciddi şəkildə mübarizə aparılmalıdır. İllərdir burda yaşayan ruslar niyə görə hələ də bizim dilimizdə danışmaq gərəyi duymurlar? Bu suala cavab verə bildiyimiz zaman bir çox məsələlərə də aydınlıq gələcək. Madam ki, xarici dil yaxşıdır, o zaman ingilis dilli, fransız dilli, alman dilli məktəblərə maliyyə ayıraq ki, potensial alimlər, elm adamları, dünya miqyasında şəxslər yetişdirək. Rus dili kimə lazımdır?! 

Uzun sözün qısası artıq balanslaşdırılmış siyasət geridə qaldı və tərəf olmaq lazımdır. Uzun zamandır da məhz bunun əsası qoyulurdu. “Şuşa Bəyannaməsi”, Türk Dövlətləri Birliyi üzvləri ilə müxtəlif istiqamətlərdə əməkdaşlıqların genişləndirilməsi və s. də buna hesablanıb. Yəni, tərəfimiz bəllidir. Daha dəqiq desək, tərəfimiz Rusiya deyil, ya yanımızda olacaq, ya da qarşımızda. Necə ki, İran hazırda bizim qarşımızdadır və nəticələrini də özü görür və görəcək...