
Marsel alovlara təslim oldu
Onlarla ev və avtomobil yanıb, nəqliyyat iflic olub
Onlarla ev və avtomobil yanıb, nəqliyyat iflic olub
Marsel hava limanı bağlanıb, qatarların hərəkəti dayandırılıb
Fermada baş verən yanğında yüzlərlə heyvan həlak olub
Daha bir şəhər boşaldılıb
Meşənin alovlanması səbəbindən 2 kənd boşaldılıb
Şimali Makedoniya çoxuşaqlı ailələri təşviq etmək üçün Avropada ilkə imza atdı
Yunanıstanın cənnəti cəhənnəmə döndü
Fövqəladə vəziyyət elan edilib
Evlər və hotellər boşaldılıb
Mübahisə edən məhbuslar çarpayıya od vurdular
Yanğınlar necə başladı, son vəziyyət necədir?
Minlərlə insan evsiz qaldı
Nəhəng gəmi 3 min avtomobil üçün məzar oldu
Fövqəladə vəziyyət elan edildi, ada boşaldıldı
40-a yaxın nəqliyyat vasitəsi yararsız hala düşüb
Mərakeşin şimalında meşə yanğınları 5 gündür davam edir
Balkanlarda gecə klubunda baş verən yanğından sonra Şimali Makedoniyada dövlət qurumları və ictimai yerlərdə bayraqlar yarıya endirilib.
Yeddi günlük milli matəmin başladığı şərqdəki Koçani şəhərində yanaraq, tüstü zəhərlənməsindən və ya izdihamda əzilən ən azı 59 nəfərin ölümünün əks-sədaları davam edir.
Dünən axşam saatlarında Türkiyə tərəfindən göndərilən təcili yardım təyyarələri ilə 22-si çox ağır, 9-u ağır olmaqla 155 nəfər yaralını İstanbul və Ankaraya aparıb.
Yunanıstan, Bolqarıstan və Serbiya kimi regional ölkələr də oxşar addımlar atıb.
Paytaxt Skopyedən təxminən 100 kilometr aralıda yerləşən şəhərdə bazar günü səhər saatlarında başlayan yanğına pirotexniki materialın səbəb olduğu bildirilir.
Kadrlarda hip-hop dueti DNK səhnədə olarkən tavana atılan pirotexniki vasitələrin yanğına səbəb olduğu görünür.
Təbii fəlakətlə bağlı 10 nəfər saxlanılıb.
Sözügedən məkanın öz ərazisindən iki dəfə çox istifadəyə icazə verməsi, kifayət qədər qəza çıxışlarının və yanğınsöndürmə vasitələrinin olmaması və başqa qanunsuzluqlardan rüşvətlə yaxa qurtarması ilə bağlı iddialar araşdırılır.
Bazar ertəsindən başlayaraq üç gün ərzində ölkə üzrə gecə klublarında yoxlamaların aparılacağı açıqlanıb.
Şimali Makedoniya prezidenti Gordana Siljanovska Davkova ötən gecə 2 milyona yaxın əhalisi olan ölkəsinə müraciətində 16 yaşlı yeniyetmələrin də ölümünə səbəb olan yanğından danışaraq, “Hamımız şokdayıq. Bir insan, bir ana, bir dövlət başçısı kimi şəxsən mən şokdayam”, – deyib.
Yaxınlarının aqibətini öyrənmək üçün xəstəxanalara üz tutanlar üzücü xəbərdən məyus olurlar.
25 yaşlı oğlu Andreyi itirən Tomko Stojanov bu sözləri deyib: “Başsağlığınız üçün təşəkkür edirəm, amma ağrım keçməyəcək. Bu yara sağalmayacaq. Digərlərini xilas etmək üçün içəri girmək istəyərkən öldü. Onu itələdilər, üstünə qaçdılar, oğlum belə öldü”.
21 yaşında yeganə övladı Tomçeni itirən Dragi Stojanov dərdini belə bölüşdü: “İcazə verin bunu hamının gözü qarşısında deyim. Mən ölü adamam. Hər şeyi itirdim. Qoy bütün dünya bunu bilsin”.
19 yaşlı Marija Taseva bildirib ki, yanğın sürətlə yayılarkən bacısı ilə birlikdə hadisə yerində olub: “Bilmirəm necə yerə yıxıldım, amma məni tapdaladıqları üçün ayağa qalxa bilmədim. Məni xilas etdilər, amma qardaşım öldü”.
Paytaxt Skopyedə yaşayan iqtisadçı Beti Delovska ölkəsinin ilk dəfə belə faciə ilə üzləşdiyini bildirib. O, bir çox gəncin daha yaxşı gələcək ümidi ilə köç etdiyini vurğulayaraq qaranlıq bir mənzərə çəkdi: “Makedoniya ölüm yatağındadır. Etibarlı qurumlarımız yoxdur, səhiyyə sistemi tamamilə bərbad vəziyyətdədir, təhsil zəifdir, məhkəmələr tamamilə korrupsiya bataqlığındadır. İndi mən inanıram ki, Makedoniyanı yalnız Tanrı xilas edə bilər”.