Braziliyada 74 il davam edən nümunəvi evliliyi olan Odileta Pansani de Haro (92) və Pasçoalın de Haro (94) evliliklərinin ildönümündən iki gün sonra eyni gündə dünyadan köçdülər. Odileta səhər, Paschoal isə cəmi 10 saat sonra vəfat etdi.

Onlar 74 il əvvəl Sao Paulo əyalətində tanış olanda Odiletanın 15, Paschoalın 18 yaşı vardı. Pasçoalın oynatdığı kiçik zəncir təsadüfən Odiletanın qoluna dəydi. Bu təsadüf ikili arasında gülüşə, daha sonra isə böyük eşq macərasına çevrilib. Cütlük 1951-ci ilin aprelində evləndi.

Evdar qadın olan Odileta altı uşaq böyüdüb. Pasçoalın parça sexində çalışaraq ailəsini dolandırırdı. İllər keçdikcə uşaqları, sonra nəvələri, hətta nəticəsi var idi. Ömrü boyu sevgi ilə böyütdükləri ailələri indi dörd nəsil onların yoxluğuna yas saxlayırlar...

Cütlüyün kürəkəni Lusiano Lil yerli mətbuata açıqlamasında, “Onlar hər zaman ayrı-seçkilik etmədən sevən, yardımçı və dəstək olan insanlar olublar. Bir-birlərinə olan sevgiləri həyat fəlsəfələrinin əsasını təşkil edirdi. Bu sevgini ətrafdakı hər kəsə əks etdirirdilər”, – deyib.

“Bu, bir filmin mövzusu ola biləcək sevgi hekayəsidir. Həmişə deyirdilər ki, birlikdə gedəcəklər və belə oldu... Yaşadılar, sevdilər və qazandılar. Onlar geridə bu böyük sevgi, gözəl ailə və unudulmaz irs qoyublar”.