“Google” Android telefonlarda axtarış motorunun məcburi olaraq istifadə olunması səbəbi ilə Avstraliyada 30 milyon avro məbləğində cəriməni qəbul edib və bəzi tətbiqlərindən imtina edib.

Avstraliyada rəqabətə zidd davranışlar səbəbilə 55 milyon Avstraliya dolları (təxminən 30 milyon avro) cərimə ödəməyi qəbul edən texnologiya nəhəngi “Telstra” və “Optus” ilə bağladığı müqavilələrdə Android cihazlarda “Google” axtarış sisteminin əvvəlcədən quraşdırılmasını nəzərdə tuturdu. Bu vəziyyət bazar tarazlığını poza biləcəyi səbəbi ilə Avstraliya Rəqabət və İstehlak Komissiyası (ACCC) tərəfindən araşdırılıb. Açıqlamada “Google” bütün ittihamları qəbul etməsə də, bəzi rəqabət narahatlıqlarını qəbul etdiyini və bunları aradan qaldırmaq üçün addımlar atacağını bildirdi.

Araşdırmaya daxil olan müqavilələr 2019-cu ilin dekabrı ilə 2021-ci ilin martı arasında qüvvədə olub. “Telstra” və “Optus” tərəfindən satılan Android telefonlarda “Google” axtarış motoru varsayılan olaraq quraşdırılmışdı. Müqabil olaraq mobil operatorlar, “Google”un reklam gəlirlərindən pay alırdı. Bu vəziyyət alternativ axtarış motorlarının bazara daxil olmasını əngəllədiyi və istehlakçı seçimlərini məhdudlaşdırdığı üçün tənqid olunurdu.

“Google”, Avstraliyadakı bu razılaşma çərçivəsində bəzi öhdəliklər götürdü. Şirkət bundan sonra Android cihaz istehsalçıları və telekommunikasiya şirkətləri ilə bağladığı müqavilələrdə axtarış sistemi və ya əvvəlcədən quraşdırma öhdəliyi qoymayacağını açıqladı. Bu addım ölkədə daha çox rəqabət mühiti yaradılması baxımından əhəmiyyətli hesab olunur.

Avstraliya Rəqabət və İstehlak Komissiyasının açıqlamasına görə, razılaşma şərtləri ölkənin Federal Məhkəməsinə təqdim olunacaq. Məhkəmə “Google”un təqdim etdiyi həllin kifayət olub-olmadığına qərar verəcək. Şirkətin bu qərarı, dünya üzrə rəqabət pozuntuları səbəbilə qarşılaşdığı təzyiqlər arasında diqqət çəkən bir inkişaf kimi qiymətləndirilir.