“Oxford” Universitetinin alimləri Anders Sandberq, Erik Dreksler və Tobi Ord riyazi hesablamalarla sübuta yetiriblər ki, başqa planetlərdə həyat izlərinin tapılma ehtimalı 15 faizdən yüksək deyil. Başqa sözlə, 85 faiz ehtimalla demək olar ki, Yerdən başqa heç bir göy cismində həyat mövcud deyil.

Virtualaz.org xəbər verir ki, alimlərin riyazi hesablamaları və məsələyə yanaşma metodu ilə arXiv.org saytında tanış olmaq mümkündür.

Qeyd edək ki, hələ dahi fizik Enriko Fermi bir dəfə nahar vaxtı yadplanetlilər barədə danışarkən bildirmişdi: “Əgər yadplanetlilər mövcuddursa, bəs hardadırlar?” Bu sadə sual sonradan Fermi paradoksu adlandırılıb. 5 yaşlı uşağın da verə biləcəyi bu sual dahi alim tərəfindən səsləndirildiyi üçün paradoks statusuna yüksəlib və onun adı ilə adlandırılıb.