Kanat yolu Vezuvi dağı və Neapol körfəzinin mənzərələri ilə məşhur idi. Dünən Neapolun cənubunda turistləri daşıyan kanat trosu qopduqdan sonra qəzaya uğrayıb.

Səlahiyyətlilər qəza nəticəsində azı 4 nəfərin öldüyünü, bir nəfərin isə yaralandığını bildirib. Xilasetmə qrupları Castellammare di Stabia qəsəbəsində baş verən qəzaya müdaxilə edib.

Təxminən 1200 metr hündürlükdə aparılan xilasetmə işlərinə pis hava şəraiti və rabitə problemləri mane olub.

Kanat qəzası ərazidə mövsümün yenidən açılmasından cəmi bir həftə sonra baş verib. Kanat yolu Vezuvi dağı və Neapol körfəzinin mənzərələri ilə məşhur idi.

Torre Annunziata Respublika Prokurorluğu, fövqəladə vəziyyətə cavab tədbirləri tamamlandıqdan sonra hadisə ilə bağlı araşdırmalara başlanılacağını açıqlayıb.