Almaniyanın Heilbronn şəhərində bir hoteldə görüşən şəxsin 180.000 avro dəyərində olan 20 qızıl külçəsi diqqət yayındırma üsulu ilə oğurlanıb. Şübhəli yoxa çıxıb.

Baden-Vürtemberq əyalətinə bağlı Heilbronn şəhərində baş vermiş oğurluq hadisəsində, bir şəxsin 180.000 avrodan çox dəyərində qızıl külçəsi oğurlanıb. Polis açıqlamasına görə, hadisə avqust ayının əvvəlində səhər saatlarında hoteldə baş verib.

Şəxs qızıl ticarəti üçün bir qadınla görüşüb. Yanında, hər biri 100 qram olan 20 qızıl külçəni daşıdığı karton qutu olub. Lakin görüş zamanı qadın adamı aldatmaq üçün diqqətini yayındırıb və qutudakı qızılları dəyərsiz saxta nümunələrlə dəyişdirib.

Qızılları götürüb yoxa çıxan qadın və külçələrdən həmin gündən bəri heç bir xəbər alınmayıb.