Sosial mediada ölümcül tendensiya gənclər arasında sürətlə yayılır. Mütəxəssislər bu təhlükəli tendensiyaya qarşı xəbərdarlıq edərkən, ailələr uşaqlarının təhlükəsizliyindən çox narahatdırlar!

Son vaxtlar Litvada təhlükəli tendensiya diqqəti cəlb edir. Antifrizdən zəhərlənərək xəstəxanaya yerləşdirilən iki uşaqdan biri təəssüf ki, həyatını itirib.

Martın 12-də polisə 2009-cu il təvəllüdlü balaca qızın kimyəvi maddədən zəhərlənmiş ola biləcəyi barədə məlumat daxil olub. Polisin məlumatına görə, kiçik qız martın 15-də dünyasını dəyişib. Kaunas xəstəxanasının ölümün səbəbi ilə bağlı hesabatın alınması ilə araşdırmanın əhatə dairəsi genişləndirilib.

Lakin hadisənin təsiri davam etdikcə, martın 20-də günorta saatlarında Priene rayonunda yeni antifriz zəhərlənməsi hadisəsi baş verib. 2010-cu il təvəllüdlü oğlanın zəhərlənməsi xəbərindən sonra səlahiyyətlilər hərəkətə keçib. Mövzu ilə bağlı açıqlama verən polis sözçüsü uşaq üçün “Səhhətinin vəziyyəti hazırda yaxşıdır” deyib.

Polis həmçinin iki insident arasında heç bir əlaqənin olmadığını bildirib. “İki azyaşlı uşaq müxtəlif təhsil müəssisələrində təhsil alır və müxtəlif ərazilərdə yaşayırlar. Biri Priene şəhərindən, digəri Priene rayonundandır”, – Alytus polisinin sözçüsü açıqlamasında bildirib.

Trendin TikTok vasitəsilə yayıldığı iddia edilir!

Digər tərəfdən, “TikTok” sosial media platformasında yayılan “trend”in gənclərə təsir edib-etmədiyi ilə bağlı iddialar da dolaşmaqdadır. Polis bu şayiələri eşitsələr də, hələlik mövzu ilə bağlı konkret dəlil tapılmadığını bildirib.

Antifriz çox təhlükəli bir maddə kimi seçilir. Zəhərlənmə əlamətlərinin adətən altı saatdan sonra ortaya çıxdığı və bu müddətdən sonra orqanizmdə geri dönməz dəyişikliklərin başladığı bildirilir. Mütəxəssislər buna görə də antifrizlə təmasın son dərəcə riskli olduğunu vurğulayırlar.

Antifriz nədir?

Antifriz xüsusilə motorlu nəqliyyat vasitələrində istifadə edilən və mühərrikin soyutma sistemindəki mayenin donmasının qarşısını alan kimyəvi maddədir. O, həmçinin yüksək temperaturda qaynamağı gecikdirərək mühərrikin səmərəli işləməsinə kömək edir. Adətən etilen qlikol və ya propilen qlikol əsasında istehsal olunur. Lakin zəhərli xüsusiyyətlərinə görə ehtiyatla istifadə edilməlidir. İnsanlar və ya heyvanlar tərəfindən təsadüfən istehlak edildikdə ciddi zəhərlənməyə səbəb ola bilər.